a chuvia dos meus ollos
é negra
é petróleo caendo do ceo
dun ceo alternativo
do ceo á inversa
é o magma escurecéndose
nos volcáns máis activos
a chuvia dos meus ollos
non é un vaso volcado
por accidente
a chuvia dos meus ollos
canta cando cae
para espertar-me
e que non me asuste se é que aínda non abrín
o paraugas
a chuvia dos meus ollos
precipítase porque xa non hai
outra saída
que alguén me diga
que ocorreu
coa chuvia da humanidade
-tratei de comprendela
pero nunca o conseguín-